AVRO-2020: Bu gün Türkiyə final mərhələsinə vəsiqəni təmin edə bilər

AVRO-2020: Bu gün Türkiyə final mərhələsinə vəsiqəni təmin edə bilər
07:32 14 Noyabr 2019
129 Digər
Ölkə mətbuatı
A- A+

Bu gün futbol üzrə 2020-ci il Avropa çempionatının seçmə mərhələsində IX tura start veriləcək. "Report"un məlumatına görə, ilk oyun günündə 3 qrupda 7 görüş keçiriləcək. A qrupunun lideri İngiltərə Monteneqronu qəbul edəcək. Qrupun digər matçında Çexiya Kosovo ilə üz-üzə gələcək.
Bu qarşılaşmalardan İngiltərə heç-heçə, Çexiya isə qələbə ilə ayrılacağı təqdirdə, final mərhələsinə vəsiqəni təmin edəcək. Kosovo isə UEFA Millətlər Liqasında yoluna davam etdiyi üçün şanslarını qoruyacaq.
B qrupunun iddialı komandalarından Portuqaliya Litva ilə, Serbiya isə Lüksemburqla qarşılaşacaq. Millətlər Liqasının qalibi olan Portuqaliyanın bu qrupda Ukraynadan sonra ikinci vəsiqəyə sahib çıxması üçün Serbiyanın xal itirməsi də kifayətdir.
Günün ilk vəsiqəsinə isə daha erkən başlayacaq görüşdə Türkiyə yığması yiyələnə bilər. "Ay-ulduzlular" H qrupunda İslandiya ilə ev oyununda heç-heçə etsələr, AVRO-2020-də iştirak hüququna yiyələnəcəklər. Bu halda son dünya çempionu Fransa Moldovanı məğlub edərək istəyinə nail ola bilər. Qrupun Albaniya və Andorra yığmaları arasındakı son matçı isə turnir baxımından ciddi önəm kəsb etməyəcək.
AVRO-2020
Seçmə mərhələ
14 noyabr
A qrupu
23:45. Çexiya - Kosovo
23:45. İngiltərə - Monteneqro
Xal durumu: İngiltərə - 15 xal (6 oyuna), Çexiya - 12 (6), Kosovo - 11 (6), Monteneqro - 3 (7), Bolqarıstan - 3 (7)
B qrupu
23:45. Portuqaliya - Litva
23:45. Serbiya - Lüksemburq
Xal durumu: Ukrayna - 19 xal (7 oyuna), Portuqaliya - 11 (6 oyuna), Serbiya - 10 (6), Lüksemburq - 4 (6), Litva 1 (7)
H qrupu
21:00. Türkiyə - İslandiya
23:45. Fransa - Moldova
23:45. Albaniya - Andorra
Xal durumu: Türkiyə - 19 xal (8 oyuna), Fransa - 19 (8), İslandiya - 15 (8), Albaniya - 12 (8), Andorra - 3 (8), Moldova - 3 (8).
Qeyd edək ki, Belçika, İtaliya, Polşa, Rusiya, İspaniya və Ukrayna yığmaları final mərhələsində iştirakı təmin ediblər.


Xəbərin orijinal ünvanı: https://report.az/futbol/avro-2020-bu-gun-turkiye-final-merhelesine-vesiqeni-temin-ede-biler

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR