Rusiyadan Azərbaycana külli miqdarda kalium permanqanat keçirilməsinin qarşısı alınıb

Rusiyadan Azərbaycana külli miqdarda kalium permanqanat keçirilməsinin qarşısı alınıb
14:57 14 Noyabr 2019
35 Digər
Ölkə mətbuatı
A- A+

Dövlət Gömrük Komitəsinin Baş Gömrük İdarəsinə daxil olan əməliyyat məlumatı əsasında Rusiya Federasiyası istiqamətindən "Xanoba" gömrük postunun idxal gömrük nəzarəti xəttinə daxil olan Azərbaycan vətəndaşı saxlanılıb və əl yükü rentgen aparatından keçirilərkən monitorda şübhəli predmetlərin təsviri görünüb.
Komitədən "Report"a verilən məlumata görə, yoxlama zamanı vətəndaşa məxsus 1 ədəd əl çantasının içərisində geyim əşyalarının arasından gömrük nəzarətinə bəyan edilməyən, ümumi çəkisi 6 kq olan kalium permanqanat, 330 ədəd üzərində "kalium permanqanat" yazılan təlimat kitabçası və 626 ədəd etiket aşkarlanıb.
Xatırladaq ki, kalium permanqanat "Azərbaycan Respublikasının ərazisində idxalına, ixracına, tranzit nəql edilməsinə və istehsalına lisenziya tələb olunan prekursorların IV Siyahısı"na daxildir.
Faktla bağlı araşdırma aparılır.


Xəbərin orijinal ünvanı: https://report.az/hadise/kulli-miqdarda-kalium-permanqanat-kecirilmesinin-qarsisi-alinib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR