Almaniyanın "Ayntraxt" klubunun futbolçusu David Abraham cəzalandırılıb.
Milli.Az futbolinfo.az-a istinadən xəbər verir ki, buna 33 yaşlı müdafiəçinin Bundesliqanın 11-ci turunun "Frayburq"la matçında rəqib komandanın baş məşqçisi Kristian Ştrayxı vuraraq, yerə yıxması səbəb olub.
Epizoddan sonra görüşün baş hakimi Abrahamı meydandan qovub.
Frankfurt təmsilçisinin kapitanı bu davranışına görə 7 oyunluq cəza alıb, eyni zamanda, 25 min avro da cərimələnib.
"Frayburq" - "Ayntraxt" oyunu meydan sahiblərinin 1:0 hesablı qələbəsiylə başa çatıb.
Milli.Az
