Azərbaycan iqtisadiyyatı 2%-dən çox böyüyüb

Azərbaycan iqtisadiyyatı 2%-dən çox böyüyüb
12:32 15 Noyabr 2019
88 Digər
Ölkə mətbuatı
A- A+

Bu ilin yanvar-oktyabr aylarında Azərbaycanda 65 415,1 milyon manatlıq və yaxud ötən ilin eyni dövrü ilə müqayisədə 2,1% çox ümumi daxili məhsul (ÜDM) istehsal edilib. 
"Report" bu barədə Dövlət Statistika Komitəsinə istinadən xəbər verir. 
Məlumata görə, iqtisadiyyatın qeyri-neft-qaz sektorunda istehsal olunmuş əlavə dəyər 3,5%, neft-qaz sektorunda isə 0,2% artıb.
Bu dövrdə tikinti sektoru istisna olmaqla, iqtisadiyyatın bütün sahələrində istehsalın artımı müşahidə edilmişdir. İnformasiya və rabitə sahələrində əlavə dəyər 16,1%, kənd təsərrüfatı, meşə təsərrüfatı və balıqçılıq sahələrində 7,3%, turistlərin yerləşdirilməsi və ictimai iaşə sahələrində 5,5%, ticarət, nəqliyyat vasitələrinin təmiri sahələrində 3,1%, sənayedə 1,7%, nəqliyyat və anbar təsərrüfatı sahələrində 0,5%, digər xidmət sahələrində 3% artıb, tikintidə isə 6,2% azalıb.
10 ay ərzində əhalinin hər nəfərinə düşən ÜDM-in dəyəri 6 609,6 manata bərabər olub.


Xəbərin orijinal ünvanı: https://report.az/maliyye/azerbaycan-iqtisadiyyati-2-den-cox-boyuyub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR