Bakı. Trend:
ABŞ, Kubaya aid qara siyahısına adanın silahlı qüvvələrinə məxsus beş otelini əlavə edib.
Trend-in TASS-a istinadən verdiyi məlumata görə, bu barədə Dövlət Departamentinin dövlət katibi Maykl Pompeo tərəfindən verilən açıqlamada deyilib.
Amerika diplomatiyasının başçısı deyib: "Kubaya aid qara siyahının yenilənməsi ilə bağlı qərarı elan edirəm. Kuba hərbi qüvvələrinə məxsus beş təşkilat birbaşa maliyyə əməliyyatlarının qadağan edildiyi hüquqi şəxslər siyahısına daxil edilib".
Sanksiyalarda paytaxtdakı bir oteldən, digəri Varadero kurort şəhərciyindən, həmçinin "Jardines del Rey" arxipelaqındakı üç oteldən bəhs edilır. Qərar noyabrın 19-da qüvvəyə minir.
Trend-in ən mühüm və maraqlı xəbərlərini "Telegram"da izləyin
