SSRİ-nin gizli xidmətləri uzun müddət guya astronavtlarda dözümlülüyü artırmağa kömək edən həb icad etdikləri ilə Amerika kəşfiyyatçılarını aldadıblar.
Milli.Az xəbər verir ki, bu kuryoz hadisəni "Ulduz yolu" idarəsinin ilk rəhbəri Nikolay Rıbkin açıqlayıb.
ABŞ kəşfiyyatçıları, sovet astronavtlarının uzun müddət işləməyə vadar edən, gücverən "möcüzəvi həblər"in olduğuna inanıblar. Buna səbəb kimi isə onların bacarmadıqları yer orbitində uzun uçuşların keçirilməsinə sovet kosmonavtlarının müvəffəq olması idi.
Amerikalılar bu mövcud olmayan dərman haqqında daha çox məlumat toplamaq üçün əllərindən gələn hər şeyi edirdilər. Bundan sonra ruslar, birgə uçuş zamanı amerikalıları bir az da həvəsləndirmək qərarına gəldilər. Sovet kosmonavtları qəsdən yeməyə oturanda bir həb çıxarıb ABŞ astronavtlarının gözü önündə qəbul edirdilər. Bu həb isə adi soda idi.
Amerika xüsusi xidmət orqanları bu həblərin mənşəyini öyrənmək üçün külli-miqdarda pul xərcləyərək laboratoriyalar qurdular. Lakin mövcud olmayan sovet "sehrli həb" in tərkibini tapa bilmədilər. (ölkə.az)
Milli.Az
