Britaniya sərhədçiləri La-Manş boğazında 39 miqrantı saxlayıb

Britaniya sərhədçiləri La-Manş boğazında 39 miqrantı saxlayıb
05:27 18 Noyabr 2019
115 Digər
Ölkə mətbuatı
A- A+

Britaniya sərhədçiləri La-Manş boğazında Birləşmiş Krallığın sahillərinə çatmağa çalışan 39 miqrantın olduğu 4 qayığı saxlayıblar.
"Report" xəbər verir ki, bu barədə Daxili İşlər Nazirliyinin nümayəndəsinə istinadən yerli "Evening Standard" nəşri bildirib.
Qəzetin məlumatına görə, birinci qayıq yerli vaxtla təxminən saat 04:40-da saxlanılıb. Həmin qayıqda 9 nəfər olub. Səhər saat 6-da beş miqrantın olduğu ikinci qayıq saxlanılıb. Sərhədçilərin saxladığı üçüncü qayıqda 11 nəfər, dördüncüdə isə 14 miqrant olub.
Böyük Britaniyanın Daxili İşlər Nazirliyinin nümayəndəsi qeyd edib ki, bütün saxlananlar İrandan gələnlərdir. Onun sözlərinə görə, miqrantlar tibbi yoxlamadan keçəcəklər, sonra onlar Duvrdakı Miqrasiya Xidmətinin əməkdaşlarına təhvil veriləcək.


Xəbərin orijinal ünvanı: https://report.az/diger-olkeler/britaniya-serhedcileri-la-mans-bogazinda-39-miqranti-saxlayib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR