Noyabrın 17-də Amerikanın Kaliforniya ştatının Frenso şəhərində dost ailələrin bir araya gələrək ət qızardıb, amerikan futboluna baxdıqları zaman bir nəfər naməlum şəxs həyətə girərək ora toplaşanları gülləborana tutub. Məclisdə 35-dək insan olub.
Milli.Az ölkə.az-a istinadən bildirir ki, nəticədə 4 nəfər ölüb, 6 nəfər yaralanıb.
Polisin verdiyi xəbərə görə, cinayət törədən şəxs hələlik saxlanılmayıb və hazırda hüquq-mühafizə orqanları hadisənin şahidlərindən ifadə alır.
Onu da qeyd edək ki, hadisədən iki gün əvvəl noyabrın 15-də Kaliforniyanın Santa-Klarita şəhərində 16 yaşlı məktəbli Nataniel Berxou oxuduğu məktəbdə şagirdlərə atəş açıb. Nəticədə 5 nəfər yaralanıb və onlardan 2-si ölüb. Hadisəni törədən 16 yaşlı gənc isə polis gəlməmişdən öncə özünü də öldürüb.
Milli.Az
