Şahmatın rapid və blits növləri üzrə 2019-cu il dünya çempionatı Rusiyanın paytaxtı Moskvada keçiriləcək.
"Report"un Beynəlxalq Şahmat Federasiyasının rəsmi saytına istinadən verdiyi məlumata görə, 26 - 28 dekabrda rapid, 29-30 dekabrda blits üzrə mübarizə gedəcək. Yarışların ümumi mükafat fondu 1 milyon avro olacaq.
Qeyd edək ki, 2013-cü ildə rapid üzrə dünya çempionluğunu Azərbaycan şahmatçısı Şəhriyar Məmmədyarov qazanıb.
