Muğam Mərkəzində " Macarıstan musiqisi axşamları "adli layihə-konsertlər maraqla qarşılanıb - FOTO

Muğam Mərkəzində " Macarıstan musiqisi axşamları "adli layihə-konsertlər maraqla qarşılanıb - FOTO
19:27 19 Noyabr 2019
Ölkə mətbuatı
A- A+

Beynəlxalq Muğam Mərkəzində "Macarıstan musiqisi axşamları" adli layihə- konsertlər maraqla qarşılanıb.

Beynəlxalq Muğam Mərkəzi 3 gün müddətində Macarıstanın ölkəmizdəki səfirliyinin dəstəyi ilə "Macarıstan musiqisi axşamları" adlı konsert proqramı təqdim edib.

Paytaxt sakinləri və şəhərimizin qonaqları 11-12 və 14 noyabr tarixlərində macar xalq musiqisindən ibarət müxtəlif janrlada ifa edən macar musiqiçilərinin ifalarını dinləmək imkanı qazandılar. Beynəlxalq Muğam Mərkəzinin səhnəsində Macarıstanın Avropada məşhur nəfəs alətləri qrupunun "Cantores Esslesiae" solistləri, Evrovision müsabiqəsinin iştirakçısı müğənni Magyar Borin və tanınmış ifaçı Csurkulya Jozefin çıxışları macar musqisi həvəskarlarına bayram əhvalı bəxş edib.

Layihə çərçivəsində macar musiqiçiləri Bakı tamaşaçılarına klassik musiqi şedevrlərini təqdim etməklə
bərabər milli musiqi , caz , etnik musiqinömrələrindən ibarət rəngarəng proqramla çıxış ediblər.

Qeyd edək ki, Beynəlxalq Muğam Mərkəzi beynəlxalq əlaqələrini genişləndirərək yeni layihələrə imza atır.
Macarıstan səfirliyi bir müddət əvvəl "Bakıda Macarıstan günləri" çərçivəsində Beynəlxalq Muğam Mərkəzində professor Janoş Şipoş Macarıstan və Azərbaycan xalq musiqisinin bənzərlikləri barədə mühazirə keçirmiş və mühazirədən sonra Salonna və onun qrupu unikal bir konsert proqramı ilə çıxış ediblər.

Mərkəz ölkəmizdə fəaliyyət göstərən səfirliklərlə birgə əməkdaşlıq çərçivəsində mütəmadi olaraq ikitərəfli konsert proqramları və tədqiqat xarakterli layihələrlə tamaşaçıların görüşünə gələcək. Layihənin məqsədi xalqların etnik mədəniyyətinin təbliğinə xidmət edir. Beynəlxalq Muğam Mərkəzində " Macarıstan musiqisi axşamları " adli layihə- konsertlər maraqla qarşılanıb.

Milli.Az


Xəbərin orijinal ünvanı: https://news.milli.az/culture/803392.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR