Bu ilin yanvar-sentyabr aylarında dövlət büdcəsindən maliyyələşdirilən idarə, müəssisə və təşkilatlar tərəfindən 1 670,6 mln. kVt.saat elektrik enerjisindən, 104,6 mln. kubmetr təbii qazdan, 18,1 mln. kubmetr sudan istifadə edilib.
“Report”un Dövlət Statistika Komitəsinə istinadən verdiyi xəbərə görə, ötən ilin müvafiq dövrü ilə müqayisədə sudan 5,8%, təbii qazdan 4,3%, elektrik enerjisindən isə 4,2% çox istifadə edilib.
Hesabat dövründə istifadə edilən təbii qazın dəyəri 20,9 mln. manat, elektrik enerjisinin dəyəri 150,3 mln. manat, suyun dəyəri isə 17,7 mln. manat təşkil edib.