İstedadlar ən çox bu ölkələrdə yaşayır - SİYAHI

İstedadlar ən çox bu ölkələrdə yaşayır - SİYAHI
05:33 22 Noyabr 2019
125 Digər
Ölkə mətbuatı
A- A+

Danimarka və İsveç istedadların inkişafı üzrə reytinq cədvəlində İsveçrə ilə birlikdə lider mövqe tuturlar.

Bu barədə “Dünya Rəqabətqabiliyyətlilik Mərkəzi” şirkəti (IMD World Competitivness Center) tərəfindən tərtib olunmuş “Dünya istedadlar reytinqi” adlı hesabatda bildirilir.

Öz tədqiqatlarına əsaslanan şirkətin dünya istedadlar reytinqi metodologiyası bu sahədə rəqabətqabiliyyətliliyi üç əsas komponent - sərmayələr və inkişaf, cəlbedicilik və hazırlıq meyarları üzrə qiymətləndirir.

Tədqiqatçıların hesablamalarına görə, İsveçrə “Dünya istedadlar reytinqi” cədvəlində liderdir, onun ardından isə Danimarka və İsveç qərarlaşıblar. Yüksək reytinq əldə edən ölkələr sırasında Avstriya, Lüksemburq, Norveç, İslandiya, Finlandiya, Niderland, Sinqapur, Almaniya, ABŞ, Kanada, BelçikaHonkonq da var. Adıçəkilən ölkələr istedadların cəlb edilməsi və inkişafı üzrə daha əlverişli şərait yaradıblar.

“Dünya Rəqabətqabiliyyətlilik Mərkəzi” şirkətinin saytında qeyd olunur ki, ixtisaslı işçi qüvvəsinin cəlb edilməsi və saxlanılması rəqabət qabiliyyətinin artırılması baxımından həlledici amildir və ölkənin tərəqqisinə gətirib çıxarır. Hazırkı dinamik landşaftda, xüsusən süni intellekt, robot texnikası və başqa yeni texnologiyaların tətbiqi şəraitində hökumətlərin, ayrı-ayrı müəssisələrin, bütövlükdə cəmiyyətin qarşılaşdıqları problemləri məhz bu yolla həll etmək mümkündür.

Qeyd edək ki, reytinq cədvəlində ümumilikdə 96 ölkənin istedadların inkişafı üzrə səyləri qiymətləndirilib. (azərtac)


Xəbərin orijinal ünvanı: https://publika.az/news/maraqlidunyasi/296841.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR