Bakı. Eldar Canaşvili - Trend:
Azərbaycanda Hindistan kapitalı ilə 170 şirkət fəaliyyət göstərir.
Trend-in məlumatına görə, bunu Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının vitse-prezidenti Vüqar Zeynalov deyib.
O, həmçinin yaxın gələcəkdə bu rəqəmin 2 dəfə artacağına ümid etdiyini qeyd edib.
İki ölkə arasında qarşılıqlı investisiya qoyuluşunun artması mövzusunda danışarkən V.Zeynalov bildirib ki, bu istiqamətdə turizm perspektivli sahələrdən biridir:
"Məsələn, ilin əvvəlindən Azərbaycan Hindistandan 40 min turist qəbul edib".
Konfederasiyanın vitse-prezidenti ikitərəfli münasibətlərin inkişafı üçün daha bir sahənin informasiya-telekommunikasiya texnologiyaları olduğunu da vurğulayıb.
Trend-in ən mühüm və maraqlı xəbərlərini "Telegram"da izləyin
