Rusiyanın paytaxtı Moskvada rəsmi səfərdə olan Azərbaycanın Birinci vitse-prezidenti Mehriban Əliyeva Rusiya Prezidenti Vladimir Putinlə görüşüb.
Publika.az Kremlin mətbuat xidmətinə istinadən xəbər verir ki, Vladimir Putin Mehriban Əliyev ilə Novo-Oqaryovadakı iqamətgahında görüşüb və Azərbaycanın Birinci vitse-prezidenti Mehriban Əliyevaya “Dostluq” ordeni təqdim edilib.
Vladimir Putin Mehriban Əliyevanın Rusiya-Azərbaycan münasibətlərinin inkişafı və möhkəmləndirilməsində böyük xidmətlər göstərdiyini vurğulayıb.
Mehriban Əliyeva Putinin onu Rusiyanın əsl dostu adlandırmasını böyük şərəf kimi qiymətləndirib.
Xatırladaq ki, Azərbaycanın Birinci vitse-prezidenti Mehriban Əliyeva noyabrın 20-dən Rusiyada rəsmi səfərdədir.
