"AFFA-dan narazılıqlar aydındır. Bir qrup insanlardan - adi azarkeşlərdən narazılıq gəlir. Əvvəlki illərdə mən də sıravi azarkeş kimi nəticə tələb edirdim. Lakin düzgün tənqid edən, düzgün yazan peşəkar jurnalistlər var. Peşəkar veteranların, keçmiş futbolçuların da narazılıqlarını anlayırıq, sağlam tənqidi qəbul edirik".
Milli.Az ölkə.az-a istinadən bildirir ki, bu sözləri AFFA-nın baş katibi Elxan Məmmədov Azərbaycan radiosu və "İdman" kanalının müştərək yayımı olan "Extra time" proqramında qonaq olarkən deyib.
E. Məmmədov istefa verib-verməyəcəyi ilə bağlı suala da aydınlıq gətirib:
"Tənqidlər, hətta təhqirlər də var. Bunu kimlər yaradır? "Jurnalistlər", "peşəkarlar", futbolun yanında olan bəzi insanlar. Mən, AFFA rəhbərliyi, bəzi əməkdaşlarımız kimlərisə qane etmir. Çünki bizim fəaliyyətimiz onlara çirkin işlərini həyata keçirməyə mane olur. Mənim gedişimlə millimiz dünya və Avropa çempionatına vəsiqə qazanacaqsa, gedərəm. Bu, gülməli iddiadır".
Milli.Az
