Gədəbəy rayonunda ahıl kişi ehtiyatsızlıqdan balta ilə özünə xəsarət yetirib.
"Report"un Qərb Mərkəzinin məlumatına görə, hadisə rayonun Əlismayıl kəndində baş verib.
Kənd sakini, 1938-ci il təvəllüdlü Qiyas Hüseynov odun doğrayan zaman ehtiyatsızlıqdan sol əlinə balta ilə ağır xəsarət yetirib. Xəstəxanaya aparılan yaralı cərrahiyə əməliyyatı edilib və onun əli amputasiya olunub.
Hazırda Q.Hüseynovun vəziyyətinin orta-ağır olduğu bildirilir.
Faktla bağlı araşdırma aparılır.
