Bakıda "Azpul" Məhdud Məsuliyyətli Cəmiyyətinə (MMC) məxsus "Azpulmat" özünəxidmət terminalları yığışdırılıb.
Milli.Az pravda.az-a istinadən xəbər verir ki, noyabrın 24-də müvafiq dövlət qurumları tərəfindən əməliyyat keçirilib, terminallara blok qoyulub.
Hazırda MMC-nin fəaliyyəti ilə bağlı araşdırmalar davam etdirilir.
Qeyd edək ki, şəhərin bir neçə ərazisində quraşdırılan el arasında "borc aparatı" kimi təqdim edilən aparatlardan insanlar şəxsiyyət vəsiqəsini, barmaq izini aparata daxil etməklə, 20 manat məbləğində borc pul alırdılar. Həmin borc 5 gün ərzində 21 manat şəklində, yəni faizlə qaytarılırdı. Təkrar müraciət zamanı isə 40 manat AZN götürmək mümkün idi.
Milli.Az
