Milli komandamızın baş məşqçisi Nikola Yurçeviçin qızı Lana Yurçeviç ərə gedir.
Milli.Az sportinfo.az-a istinadən xəbər verir ki, o, bir müddətdir sevgili olduğu Makedoniya yığmasının sabiq üzü, hazırda Kiprin "Enosis Neon Paralimni" klubunda oynayan futbolçu Rista Riki Mitrevski ilə ailə həyatı qurur.
Artıq övlad gözləyən cütlüyün toy mərasimi dekabrın 27-də keçiriləcək. Toyun yeri isə hələ bilinmir.
Qeyd edək ki, Lana daha öncə "Atlantik Qrup"un baş direktoru və əsas sahibinin oğlu Emil Tedeski ilə münasibətdə olub. Ötən yay münasibətlərinə son qoyan cütlük bunun səbəbini açıqlamasa da, sonradan Yurçeviçin qızının 23 yaşlı Emildən xəyanətə görə ayrıldığı bəlli olub.
Milli.Az