“Paradiqma” Uçan Naməlum Obyektləri araşdırma qrupu inanılmaz iddia ilə çıxış edib.
Publika.az xəbər verir ki, yeni iddia Böyük Britaniyanın “Daily Star” qəzetində yer alıb.
Araşdırma qrupunun məlumatına görə, yadplanetlilər dünyadakı nüvə silahları ilə oynayırlar. Onlar güclərini insanlara nümayiş etdirmək üçün nüvə silahlarını açıb-bağlayırlar.
“Paradiqma”nın qurucusu Stiven Basset isə məsələni belə şərh edib: “Bu qədər güclü irq təhdid kimi yox, nüvə silahlarına qarşı olduğu üçün bunu edirlər. Biz insanlara “nüvə silahlarından niyə xilas olmaq istəmirsiniz?” demək istəyirlər”.
Basset bildirib ki, ABŞ hökuməti yadplanetlilərin ortaya çıxdığı anda Beynəlxalq Kosmik Stansiyanın yayımını dayandırır.
