[ 24 Dekabr 2014 22:20 ]
Bakı – APA. Pakistanın Kvetta şəhərində baş vermiş partlayış nəticəsində azı 4 nəfər həlak olub, 29 nəfər yaralanıb.
APA-nın RİA Novosti agentliyinə istinadən verdiyi xəbərə görə, xəsarət alanlardan bir neçəsinin vəziyyəti ağır kimi qiymətləndirilir.
Partlayıcı qurğu ərzaq mağazasının yanında saxlanılan motosikletdə quraşdırılıb. Partlayışın gücündən yaxınlıqdakı bir neçə tikili dağılıb. Hadisəyə görə məsuliyyəti hələ ki, heç bir qruplaşma öz üzərinə götürməyib.
