İrandan Ukraynaya 304 kq heroin narkotik keçirilməsinin qarşısı Azərbaycanda alınıb (FOTO)

İrandan Ukraynaya 304 kq heroin narkotik keçirilməsinin qarşısı Azərbaycanda alınıb (FOTO)
14:29 28 Noyabr 2019
88 Ölkə
Ölkə mətbuatı
A- A+

Bakı. Trend:

Azərbaycan gömrükçüləri narkotik vasitələrin, psixotrop maddələrin və onların prekursorlarının qanunsuz dövriyyəsi ilə əlaqədar daha bir uğurlu tədbir həyata keçirib.

Dövlət Gömrük Komitəsindən Trend-ə verilən məlumata görə, külli miqdarda narkotik vasitənin ölkə ərazisindən tranzit keçməklə İran İslam Respublikasından Ukrayna Respublikasına aparılması cəhdinin qarşısı alınıb.

Dövlət Gömrük Komitəsi Cənub Ərazi Baş Gömrük İdarəsinin Əməliyyat və Təhqiqat İdarəsinə daxil olan məlumat əsasında, Biləsuvar gömrük postunda Ukrayna Respublikasının vətəndaşı Haevskyı Leonıdin idarə etdiyi "Reno" markalı, AI9452HI/AI9425XK dövlət qeydiyyat nişanlı yük avtomobili saxlanılıb və Dövlət Sərhəd Xidmətinin əməkdaşları ilə birgə avtomobilə baxış keçirilib.

Həmin nəqliyyat vasitəsində olan 560 rulon "süni dəri" yükünün Azərbaycan Respublikasından tranzit keçməklə İran İslam Respublikasının "Hadyeh Golbaf Jahan Co." şirkətindən Ukrayna Respublikasının "Lımıted Lıabılıty Company Kasrık Ukraıne LLC" şirkətinin ünvanına aparılması nəzərdə tutulub.

Lakin baxış zamanı yük avtomobilinin qoşqusunda 560 rulon "süni dəri" yükünün 288 ədədinin hər birinin daxilindəki silindr formalı karton borunun içərisində olan digər karton borunun üzərinə yapışqanlı lentlə sarınmış polietilen paketlərdə, qablaşdırılması ilə birgə ümumi çəkisi 304 kq 154 qram olan narkotik vasitə - heroin aşkar edilib.

Faktla bağlı araşdırma aparılır.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/azerbaijan/incident/3155535.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR