Bakı. Elçin Mehdiyev – Trend:
Cari ilin 26 noyabr tarixində Albaniyada baş vermiş təbii fəlakətdən zərər çəkmiş əhaliyə humanitar yardım göstərilməsi məqsədilə Azərbaycan Respublikasının 2019-cu il dövlət büdcəsində nəzərdə tutulmuş Ehtiyat Fondundan Azərbaycan Respublikasının Xarici İşlər Nazirliyinə 500 000 (beş yüz min) avronun manat ekvivalenti məbləğində vəsait ayrılıb. Trend-in məlumatına görə, bu barədə Azərbaycanın Baş naziri Əli Əsədov sərəncam imzalayıb.
Sərəncama əsasən, Maliyyə Nazirliyi bu Sərəncamın 1-ci hissəsində göstərilən vəsaitin müəyyən olunmuş qaydada ödənilməsini təmin etməlidir.
Bu Sərəncam imzalandığı gündən qüvvəyə minir.
Trend-in ən mühüm və maraqlı xəbərlərini "Telegram"da izləyin
