Dövlət Turizm Agentliyi Gürcüstana gələn avropalı turistlərin Azərbaycanı da ziyarət etməsi üçün iş aparır.
“Report” xəbər verir ki, bu barədə Bakıda keçirilən “Azərbaycan Turizm Sammiti – 2019” tədbirində qurumun aparat rəhbəri Kənan Qasımov məlumat verib.
“Həmin xarici turistlərin azı Balakən və Şəkiyə səfərinin təşkil edilməsi istiqamətində danışıqlar aparılır”, - deyə o, qeyd edib.
Xatırladaq ki, oktyabrın 4-dən Gürcüstanın paytaxtı Tbilisidə Azərbaycanın turizm nümayəndəliyi fəaliyyət göstərir. Nümayəndəlik şəhərin Rustaveli prospekti, 16 ünvanında “Azerbaijan. Travel showroom” adı ilə, hər gün saat 10:00-dan 22:00-a qədər ziyarətçiləri qəbul edir.
