ABŞ S-400 hava hücumundan müdafiə sistemi alan ölkələrin qərarına hörmətlə yanaşmalıdır.
Publika.az xəbər verir ki, bunu Hindistanın Xarici İşlər naziri Subrahmanyam Yayişankar deyib.
Nazir bildirib ki, milli təhlükəsizlik heç vaxt xarici ölkələrin təzyiqi ilə baltalanmamalıdır.
Hindistanla Rusiya arasında S-400 anlaşmasının dəqiqləşdirildiyini bildirən rəsmi, ABŞ-ın təzyiqlərinə boyun əyməyəcəklərini dilə gətirib.
Qeyd edək ki, Hindistan Rusiyadan 5 ədəd S-400 sistemi alacaq. Bunun üçün 5,4 milyard dollarlıq razılaşma əldə edilib.