Bakı. Trend:
Son zamanlar sinusitlə xəstələnənlərin sayı 2 dəfə artmış, həmçinin burun və burun ətrafı ciblərin patologiyası ilə xəstəxanaya yerləşdirilənlərin sayı hər il 1,5-2 % artır. Hazırda stasionar müalicədə olan sinusitli xəstələr otorinolarinqoloji xəstələrin 40-50%-ni təşkil edir. Sinusitin öyrənilməsinin əsas səbəbi odur ki, kəskin və xroniki sinusitlər adətən orbital və kəllədaxili ağırlaşmalara səbəb ola bilir.
Xəstəxanadan kənar kəskin sinusitin tipik törədiciləri Streptococcus pneumoniae və Haemophilus influenzaedir, daha az rast gəlinənlər Moraxella catarralis, Streptococcus pyogenes, Staphylococcus aureus-dır.
Sinusitin tipik simptomlarına çətinləşmiş burun tənəffüsü, burundan gələn patoloji ifrazat, burun-üz nahiyyəsində ağırlıq hissi, narahatlıq, ağrı aiddir. Yerli simptomlarla yanaşı burun ətrafı ciblərin iltihabi prosesi sistemli dəyişiklərlə müşahidə oluna bilər. Bu zaman adətən ön plana baş ağrıları, zəiflik, əzginlik, tez yorulma, yüksək hərarət simptomları çıxır.
Sinusitin diaqnostikası burun boşluğuna baxış, burun ətrafı ciblərin rentgen müayinəsi və ya kompüter tomoqrafiyası əsasında aparılır. Çətin müalicə olunan sinusit insan orqanizminin və potensial törədicinin qarşılıqlı təsirində, antibakterial preparatlara qarşı mikroorqanizmlərin rezistentliyinin artmasında vacib rol oynayır. Bu biotəbəqə formasında infeksiyaların burunun selikli qişasında və burun ətrafı ciblərdə patoloji prosesin gedişatına təsiri ilə əlaqəlidir. Antibiotiklərin təsirinə və orqanizmin müdafiəedici faktorlarına biotəbəqədə olan bakteriyalar daha davamlı olurlar.
Sinusitin müalicəsi burunun selikli qişasının ödeminin aradan qaldırılmasından və sinuslarla burun boşluğu arasında keçidin bərpa olunmasından ibarətdir. Selikli qişanın ödemini aradan qaldırmaq üçün sprey, damcı və aerozol formasında buraxılan müxtəlif preparatlar istifadə olunur. Bu qrup preparatlar damar daraldan təsirə malikdir və ödemi aradan qaldırmağa kömək edir. Xəstəliyin ağırlığından və mərhələsindən asılı olaraq antibiotiklər, antihistamin preparatlar qəbul olunur. Aparılan dərman terapiyası ilə paralel, immuniteti gücləndirən, iltihabı azaldan, ifraz olunan irinin daha yaxşı xaric olunmasına kömək edən preparatlar istifadə olunur. Çətin müalicə olunan sinusitin müalicəsində bakteriya biotəbəqəsinin məhv edilməsinə təsir edən preparatlar vacib rol oynayır.
Sinusitin tez və effektiv müalicəsi üçün özünümüalicə ilə məşğul olmaq olmaz, mütləq Qulaq-burun-boğaz (LOR) həkiminə müraciət etmək lazımdır.
Materialda əks olunmuş məlumatlar müxtəlif qaynaqlardan, o cümlədən elmi-populyar məqalələr, internet materialları, rəsmi hesabatlar və s. əldə olunmuş, ümumiləşdirilmiş, tərcümə edilmiş və sistemləşdirilmişdir. Materiallardan istifadə olunduqda www.aptekonline.az saytına istinad olunma mütləqdir.
Oxuduğunuz məqalənin əsas mövzusu olan xəstəliyə qarşı, eləcə də digər xəstəliklərə qarşı effektiv və güclü mübarizə aparmaq üçün keyfiyyətli, təbii dərman vasitələri, kosmetoloji vasitələr, gigiyena və təmizlik vasitələri, uşaq qidaları və tibbi ləvazimatlar üçün 24 saat operativ xidmət göstərən *7700 - təcili dərman çatdırılma xidmətinə müraciət edə bilərsiniz.
Sifariş üçün:
+99455 251 77 00 (Whatsapp) nömrəsinə yaza və ya *7700 nömrəsinə zəng edə bilərsiniz.
Çatdırılma ÖDƏNİŞSİZDİR.
Trend-in ən mühüm və maraqlı xəbərlərini "Telegram"da izləyin
