MN: Hərbi qulluqçunun həlak olması barədə erməni mətbuatının yaydığı məlumat növbəti dezinformasiyadır

MN: Hərbi qulluqçunun həlak olması barədə erməni mətbuatının yaydığı məlumat növbəti dezinformasiyadır
13:02 30 Noyabr 2019
57 Digər
Ölkə mətbuatı
A- A+

"Ermənistan mətbuatının guya cəbhənin Ağdam istiqamətində Azərbaycan Ordusunun Həşimov Səbuhi Səttarxan oğlu adında hərbi qulluqçusunun həlak olması barədə yaydığı məlumat növbəti dezinformasiyadır".
Bu barədə Azərbaycan Müdafiə Nazirliyinin Mətbuat Xidməti "Report"un sorğusuna cavabında bildirib.
"Rəsmi olaraq bildiririk ki, Azərbaycan Ordusu cəbhədə itki verməyib və ümumiyyətlə, bu ad və soyadda hərbi qulluqçumuz yoxdur.
Son günlər cəbhə xəttindəki vəziyyətlə bağlı Ermənistan tərəfi bir neçə dəfə yalan məlumat yaymaqla gələcək təxribatları üçün zəmin yaratmaq niyyətindədir. Qarşı tərəfi bu kimi addımlardan çəkinməyə çağırır və düşməni onun istənilən fəaliyyətinin qarşısının Azərbaycan Ordusunun bölmələri tərəfindən dərhal və qətiyyətlə alınacağı barədə xəbərdar edirik", - nazirlikdən əlavə olunub.

Xəbərin orijinal ünvanı: https://report.az/herbi/mn-herbi-qulluqcunun-helak-olmasi-barede-ermeni-metbuatinin-yaydigi

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR