İraqın cənubundakı Zikar əyalətində keçirilən etiraz aksiyalarında ölənlərin sayı 20 nəfərə çatıb, 160 nəfər yaralanıb.
Milli.Az Sputnik Azərbaycan-a istinadən bildirir ki, polislə etirazçılar arasında qarşıdurma baş verib və polis nümayişçilərə güllə atıb. Nəticədə 20 nəfər ölüb, 160 nəfər yaralanıb. Yaralananlardan bəzilərinin vəziyyətinin ağır olduğu bildirilib.
Xatırladaq ki, oktyabrın 1-dən etibarən ölkədə işsizliyə, korrupsiyaya, dövlət xidmətlərinin fəaliyyətinə qarşı etiraz nümayişləri getdikcə hökumətə qarşı çevrilib. İndiyədək etirazlarda 350 nəfərdən çox insan ölüb, 15 mindən çox insan yaralanıb.
Milli.Az