Elektron ticarət platformalarının müştəri təcrübəsini gücləndirmək üçün qurulan Appier adlı startap platforması 80 milyon dollar investisiya qazandığını elan edib. Appier süni intellektə əsaslanan platformadır.
Milli.Az techland.az-a istinadən bildirir ki, süni intellekt texnologiyası sayəsində istifadəçilər veb saytın bütün addımlarını izləyə bilərlər. Appier-in D seriyalı investisiya turunda TGVest Capital, HOPU-Arm İnnovation Fund, Temasek's Pavilion Capital, Insignia Venture Partners, JAFCO İnvestment və UMC Capital iştirak ediblər.
Bu günə qədər cəmi 162 milyon dollar investisiya almış Appier-in əvvəlki investorları Alibaba, Sequoia, SoftBank və Line olmuşdur.
2012-ci ildə qurulmuş Tayvan mərkəzli Appier, 1000-dən çox istifadəçiyə sahibdir. Appier 12 fərqli ölkədə xidmət göstərir və 400 nəfərdən ibarət komandaya malikdir. Appier-in CEO-su Chih-Han Yu, qazandıqları sərmayəni daha çox yeni ölkələrdə xidmət etmək üçün istifadə edəcəklərini söyləyib.
Milli.Az