İran Azərbaycana ticarət attaşesi göndərəcək

İran Azərbaycana ticarət attaşesi göndərəcək
16:55 2 Dekabr 2019
Ölkə mətbuatı
A- A+

Bakı. Elnur Bağışov - Trend:

Vəsait təmin olunduğu halda, İran Azərbaycan və bir sıra ölkələrə ticarət attaşesi göndərəcək.

Trend-in məlumatına görə, bunu İranın Ticarət İnkişafı Təşkilatının sədri və İranın sənaye, mədən və ticarət nazirinin müavini Həmid Zadbum deyib.

İndiyədək 5 ölkəyə ticarət attaşesinin göndərildiyini bildirən H.Zadbumun sözlərinə görə, Azərbaycan, Rusiya, Hindistan, Çin, İraqın kürd muxtariyyəti və Omana ticarət attaşelərinin göndərilməsi prioritet təşkil edir.

Nazir müavini ticarət attaşelərinin sayının artırılmasının büdcədə nəzərdə tutulduğunu, lakin indiyədək vəsaitin təmin olunmadığını deyib.

O, əlavə edib ki, növbəti mərhələdə Qazaxıstan, Türkmənistan, Suriya və Livana ticarət attaşelərinin göndərilməsi nəzərdə tutulub.

Qeyd edək ki, İranın Ticarət İnkişafı Təşkilatı 60 ticarət attaşesini digər ölkələrə ezam edə bilər. İranın hər bir ticarət attaşesinin Ticarət İnkişafı Təşkilatı üçün xərcinin orta hesabla ayda 10 min dollar olacağı bildirilir.

Trend-in ən mühüm və maraqlı xəbərlərini "Telegram"da izləyin


Xəbərin orijinal ünvanı: https://az.trend.az/business/3157545.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR