SSRİ-nin sonuncu prezidenti Mixail Qorbaçov, dünyanın ölkələr arasında çoxqütblü rəqabətin olduğu yeni bir dövrə girməməli olduğunu qeyd edib.
Publika.az xəbər verir ki, sabiq lider "CNN"ə verdiyi açıqlamada bildirib ki, ABŞ və Rusiya müasir mədəniyyətin dağılmasına yol aça biləcək yeni Soyuq Müharibənin başlamasına icazə verməməlidir.
Soyuq Müharibənin müzakirə edilməsinin yaxşı bir hal olduğunu vurğulayan Qorbaçov əlavə edib: "İnsanlar reaksiya verməyə başlayıb, bu, çox əhəmiyyətlidir. Natiqlər, siyasətçilər və insanlar Soyuq Müharibəyə icazə verməməlidir".
