"Avrasiya Nəqliyyat Dəhlizi (TRACECA) beynəlxalq arenada vacib rol oynayır, çünki iqtisadi səmərə gətirməklə yanaşı, həm də ölkələri və xalqları birləşdirir".
Milli.Az Trend-ə istinadən xəbər verir ki, bunu Qırğızıstanın nəqliyyat və yollar naziri Janat Beyşenov Avropa-Qafqaz-Asiya dəhlizinin inkişafı üzrə beynəlxalq nəqliyyat sazişinin imzalanmasının 20-ci ildönümünə həsr olunmuş tədbir və TRACECA Beynəlxalq komissiyasının Daimi katibliyinin 16-cı iclasında deyib.
Nazir bildirib ki, TRACECA müstəqil Avrasiya dəhlizidir və multimodal xarakter daşıyır. O əlavə edib ki, 2018-ci ildə TRACECA marşrutu ilə Qırğızıstandan bir milyon tonadək yük daşınıb:
"Qırğızıstanda TRACECA marşrutu üzrə iki min kilometr yol bərpa edilib. Prioritet tapşırıqlardan biri Qırğızıstan ərazisindən keçməklə Çindən Özbəkistana dəmir yolunun tikintisidir".
Milli.Az
