Eynək istehsalı dayandırılır

Eynək istehsalı dayandırılır
23:52 16 Yanvar 2015
Ölkə mətbuatı
A- A+

Google internet şirkəti Google Glass ağıllı eynəyinin hazırkı versiyasının istehsalının dayandırılması barədə qərar qəbul edib.
 
Belə ki, şirkət biznesini yenidən quraraq 2015-ci ildə qurğunun yeni versiyasını buraxmağı planlaşdırır. Eynək istehsalına Googleun ötən il satın aldığı Nest şirkətinin baş direktoru Toni Fadell rəhbərlik edəcək.
 
Milli.Az ICTnews-a istinadən bildirir ki, strukturun yenidən təşkil edilməsi ilə bağlı xəbərin yayılması şirkətin səhmlərinin dəyərinə təsir etməyib.
 
Bundan əvvəl Google Glassın növbəti versiyasının Intel mikroprosessorundan istifadə edəcəyi və texnologiyanın daha tutumlu batareya ilə təchiz olunacağı bildirilib.
 
Qeyd edək ki, ilk dəfə 2012-ci ildə təqdim edilən Google Glass eynəyinin başlıca xüsusiyyətlərindən biri istifadəçinin gözü qarşısında 640x360 piksel təsvir ölçüsünə malik bərkidilmiş ekrandır ki, bu da Google şirkətinin qiymətləndirməsinə görə, təxminən 2,5 metr məsafədə olan yüksək təsvir ölçülü 25 düymlü ekrana bərabərdir.
 
Quraşdırılmış 5 meqapikselli kamera 720p yüksək təsvir ölçülü videonu yazmağa imkan verir. Məlumat və əlavələrin saxlanılması üçün istifadəçi qurğudakı 16 giqabaytlıq yaddaşın 12 giqabaytından yararlana bilər. Akkumulyatorun enerjisi adi gərginlikdə bir gün kifayət etməlidir, lakin bəzi funksiyalar (məsələn, videonun yazılması) enerjidən daha sürətli istifadə edəcək.
 
Qurğu Wi-Fi və Bluetooth standartlı simsiz rabitə modulları ilə təchiz edilib. Bluetoothun köməyi ilə Glassın smartfonla birlikdə işləməsi mümkün olur.
 
Milli.Az


Xəbərin orijinal ünvanı: http://news.milli.az/hitech/319367.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR