“Gələn il Gürcüstanın strateji tərəfdaşları ilə münasibətləri yeni mərhələyə keçəcək”.
“Report”un yerli bürosu xəbər verir ki, bunu Gürcüstanın xarici işlər naziri David Zalkaliani keçirdiyi brifinqdə bildirib.
Gürcüstanın xarici ölkələrdəki səfirlərinin Tbilisidə keçirilən illik konfransının yekunlarına həsr olunan brifinqdə nazir deyib ki, tədbirdə 2020-ci il üçün fəaliyyət planına xüsusi diqqət ayrılıb: “Bizim son məqsədimiz Avropa İttifaqına üzv olmaqdır. Lakin həmin vaxta qədər biz mövcud olan münasibətlərdən maksimum istifadə etməyə çalışacağıq. Bizim nümayəndələr qonşu Azərbaycan və Türkiyə ilə də fəal olaraq iş aparırlar”.
