Əməkdar artist Kəmalə Müzəffər "Bizimləsən"də övladını atan qadınlara təsirli müraciəti ilə diqqət çəkib.
Milli.Az xəbər verir ki, xanım aktrisa övladı atmaq üçün səsəbin olmadığını bildirib:
"Qaynana ilə dava, ərlə savaş heç vaxt zəmin yarada bilməz ki, mən uşaqlarımı qonşuya qoyum çıxım gedim. Mütləq bir əsas var. Mən həyatda hamını hər bir şeyi bağışlamağa çağıran bir insanam. Amma bir məqam var ki, orada kim olur olsun onu bağışlaya bilmirəm - Uşaqlarını atan ananı heç vaxt bağışlaya bilmirəm, nə olursa olsun. Hərdən mən öz İnstaqram səhifəmə girəndə görürəm ki, uşaq haradasa atılıb, çağanı atıblar, ana qoyub çıxıb gedib. Televizoru açıram, bu problemlərlə üzləşəndə az qala hayqırmaq istəyirəm. Az qala sizin efirinizə gəlib diz çöküb yalvarmaq istəyirəm. Acından ölürsünüz? - Elə övladlarınız da sizinlə bərabər qolunuzun altında olsun. Çörək yeməyəcəksiniz bir tikə? - Onun yarım tikəsini də onlara yedizdirin. Hər bir məqamda övlad valideyinlərinin, əsas da anasının yanında olmalıdır. Analar, sizdən çox xahiş edirəm, nə olursa olsun ailənizi dağıtmayın - bir, övladınızı atmayın - iki".
Kəmalə Müzəffər bəzən problemlərindən bezib canına qıymağa cəhd etsə belə övladlarından imtina etmədiyini bildirib:
"Biz efir adamları kənardan problemsiz, heç bir çətinlik çəkməyən insanlar kimi görünürük. Amma məqamlar olub ki, hər birimizin elə çətinliyi olub ki, canımızdan belə bezmişik. Elə məqamlar olub ki, intihara belə qalxmışıq".
Təhməz Təkin
Milli.Az
