Balakəndə qətl törədilib.
Milli.Az APA-ya istinadən xəbər verir ki, hadisə rayonun Hənifə kəndində qeydə alınıb. Kənd sakini Murtuzəli Nabatova məxsus iki mərtəbəli yarımçıq tikilidə Şəki rayon sakini, 1960-cı il təvəllüdlü Məmmədhəsən Rəhimovun meyiti tapılıb.
Hüquq-mühafizə orqanları tərəfindən M. Rəhimovun meyitinə baxış keçirilərkən onun bədənində zorakılıq əlamətləri aşkar edilib.
Araşdırmalar zamanı məlum olub ki, M. Rəhimov tanışı Hacımurad Nəsibovun evində spirtli içki qəbul edib. Daha sonra aralarında yaranan münaqişə zəminində H. Nəsibov M. Rəhimovu yarımtikiliyə apararaq taxta ilə baş nahiyyəsindən bir neçə zərbə vurmaqla qətlə yetirib.
Faktla bağlı Balakən Rayon Prokurorluğunda cinayət işi başlanıb, H. Nəsibov şübhəli şəxs kimi tutulub.
Milli.Az
