Sumqayıt şəhərindəki yaşayış evlərindən birində yanğın baş verib.
ANS PRESS-in FHN mətbuat mərkəzinə istinadən verdiyi məlumata görə, hadisə şəhərdəki dördmərtəbəli yaşayış binasında baş verib.
Bildirilir ki, binanın 3-cü mərtəbəsində, ümumi sahəsi 30 kv.m olan 1 otaqlı mənzilin döşəməsi 2 kv.m sahədə,1 ədəd televizor və eyvanın qapısı qismən yanıb.
Yanğın zamanı mənzillərdən 12 nəfər sakin yanğınsöndürənlər tərəfindən təxliyyə edilib.
Mənzilin qalan hissəsi yanğından mühafizə olunub. Yanğın yanğınsöndürənlər tərəfindən söndürülüb.