Bakı. Eldar Canaşvili - Trend:
Aqrar Kredit və İnkişaf Agentliyi fermerlərə aqrar kreditin məbləğini fərdi heablama sistemini (ALES) təqdim edib.
Trend-in məlumatına görə, bunu Agentliyin sədri Mirzə Əliyev ilin yekunlarına həsr olunmuş mətbuat konfransı zamanı deyib.
O bildirib ki, fermerlər bu sistemə əkin sahəsinin ərazisi, məhsuldarlıq, gəlir mənbələri və digər məlumatları daxil etməklə hansı məbləğdə kredit ala biləcəkləri barədə ilkin informasiya alırlar.
Bundan başqa, fermerlər ALES-dən çıxarışı çap edə və bank dəyərləndirməsi prosesini keçmədən banka müraciət edə bilərlər.
M.Əliyev bildirib ki, fermerlər artıq bu gündən Agentliyin rəsmi saytında kredit kalkulyatorundan istifadə edə bilərlər. O əlavə edib ki, bu addım fermerlərin maliyyə savadlılığı baxımından çox vacibdir.
Trend-in ən mühüm və maraqlı xəbərlərini "Telegram"da izləyin
