Türkiyənin Elazığ bölgəsində ardıcıl zəlzələlər meydana gəlib.
Metbuat.az türk mediasına istinadən xəbər verir ki, əvvəlcə saat 10:02-də 4,9 bal gücündə zəlzələ olub. Yerin 7 kilometr dərinliyində olan zəlzələnin ardından daha 2 təkan olub. Bu təkanların 3,5 və 3,8 bal gücündə olduğu bildirilir.
Bölgədən verilən məlumata görə, hər hansı ölüm və yaralanma halı yoxdur. Bölgədə bəzi məktəblərdə dərslər təxirə salınıb. Türkiyə DİN-dən verilən məlumata görə isə, boş bir bina zəlzələ nəticəsində yıxılıb.
