Bir qrup şəhid ailəsi və Qarabağ müharibəsi əlilinə mənzil verildi - FOTO

Bir qrup şəhid ailəsi və Qarabağ müharibəsi əlilinə mənzil verildi - FOTO
16:38 30 Dekabr 2019
38 Ölkə
Ölkə mətbuatı
A- A+

Əmək və Əhalinin Sosial Müdafiəsi Nazirliyi bu gün bir qrup şəhid ailəsi və Qarabağ müharibəsi əlilini Abşeron rayonunun Məmmədli kəndində yeni yaşayış binalarından alınmış mənzillərlə təmin edib.

Nazirlikdən Publika.az-a bildirilib ki, mənzillə təmin edilən şəhid ailələri və Qarabağ müharibəsi əlilləri ölkəmizdə sosial sahədə atılan mühüm addımlara, onların sosial müdafiəsinin gücləndirilməsinə, bu gün isə yeni mənzillə təmin olunduqlarına görə Prezident İlham Əliyevə minnətdarlıqlarını ifadə ediblər.

Mənzillərin təqdim edilməsi zamanı vurğulanıb ki, Prezident İlham Əliyevin tapşırığına uyğun olaraq, şəhid ailələrinə və Qarabağ müharibəsi əlillərinə verilən mənzillərin, fərdi evlərin sayı ildən-ilə əhəmiyyətli dərəcədə artırılır. 2018-ci ildə nəzərdə tutulduğundan 3 dəfə çox olmaqla 626 şəhid ailəsi və Qarabağ müharibəsi əlilinə mənzil və fərdi ev təqdim edilib.

2019-cu ildə isə bundan 50 faiz çox olmaqla, 934 mənzil şəhid ailələrinə və müharibə əlillərinə verilib.

İndiyədək isə nazirlik tərəfindən şəhid ailələrinə və müharibə əlillərinə 7600-ə yaxın mənzil və fərdi ev təqdim edilib.


Xəbərin orijinal ünvanı: https://publika.az/news/sosial/300655.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR