Dünya Azərbaycanlılarının Həmrəyliyi Günü və Yeni il Bayramı ərəfəsində Bakı Dəmir Yolu Vağzalının gözləmə zalında konsert proqramı təşkil olunub.
Bu barədə "Report"a "Azərbaycan Dəmir Yolları" QSC-dən məlumat verilib. “Swing Soul Band” musiqi qrupunun ifasında sərnişinlərə milli və xarici musiqilərin sintezindən ibarət proqram təqdim edilib.
Konsertin məqsədi şəhərimizin mərkəzində yerləşən vağzal binasının mühüm sosial və mədəni tədbirlər məkanına çevrilməsi layihəsinə töhfə verməkdir. Layihə çərçivəsində təkcə sərnişinlərin deyil, eləcə də şəhərimizin qonaqları və sakinləri üçün burada müxtəlif maraqlı davamlı sosial-mədəni tədbirlərin təşkili nəzərdə tutulur.
Konsert proqramı bayram ərəfəsində vağzalın xidmətlərindən istifadə edən vətəndaşlar tərəfindən xoş qarşılanıb və onlarda müsbət bayram əhval-ruhiyyəsi yaradıb.