Bakıda metroya pirotexniki vasitə atan şəxslər saxlanıldı

Bakıda metroya pirotexniki vasitə atan şəxslər saxlanıldı
23:53 31 Dekabr 2019
29 Ölkə
Ölkə mətbuatı
A- A+

Bakıda metroya pirotexniki vasitə atan şəxslər saxlanılıb.

"Bakı Metropoliteni" QSC-nin mətbuat xidmətinin rəhbəri Bəxtiyar Məmmədov Publika.az-a bildirib ki, hadisə bu gün saat 18:16-da baş verib. Naməlum şəxslər metronun "28 may" stansiyasında qatar xəttinə pirotexniki vasitə atıb. Nəticədə qatar xəttində tüstüləmə baş verib. Dərhal qatar yolunda gərginlik dayandırılıb və yola baxış keçirilib. Nəticədə "Sahil" stansiyasına gedən qatarın qrafikində 5 dəqiqə gecikmə baş verib.

Metroda Polis Şöbəsi əməkdaşlarının keçirdiyi əməliyyat nəticəsində hadisəni törədən 3 nəfər - Yardımlı rayon sakini, 1998-ci il təvəllüdlü Vüqar Hüseynov, Sumqayıt şəhər sakini 1996-cı il təvəllüdlü Şahin Abbasov və Zəngilan rayon sakini, 1998-ci il təvəllüdlü Rövşən Məmmədov saxlanılıblar.


Xəbərin orijinal ünvanı: https://publika.az/news/hadise/300752.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR

Media Savadlılığı