“Huawei” bu il satdığı telefonların sayını açıqladı - 240 milyon...

“Huawei” bu il satdığı telefonların sayını açıqladı - 240 milyon...
05:33 1 Yanvar 2020
Ölkə mətbuatı
A- A+

Çinin “Huawei Technologies” şirkəti 2019-cu il üzrə gəlirlərini 18% artıraraq 850 mlrd. yuan məbləğində qiymətləndirir.

Publika.az xəbər verir ki, şirkətin sədri Erik Xu Yeni illə bağlı mesajında bu rəqəmi açıqlayıb və bildirib ki, 2020-ci il çətin il olacaq: “Şirkətin bu ilin I yarısındakı kimi sürətli böyüməsi mümkün deyildi. 2019-cu ildə gəlir artımı 18% qiymətləndirilir, halbuki 2018-ci ildə artım 19,5% idi. Xarici mühit hər zamankından daha mürəkkəb olmağa başlayıb və qlobal iqtisadiyyata təzyiqlər intensivləşib. Uzunmüddətli perspektivdə ABŞ hökuməti aparıcı texnologiyanın inkişafını boğmağa davam edəcək. “Huawei” üçün çağırış mövcud olmaq və inkişaf etməkdir”.

O həmçinin qeyd edib ki, “Huawei” bu il 240 mln. telefon satıb ki, bu da 2018-ci ildən 20% çoxdur.

Qeyd edək ki, mayın 15-də ABŞ prezidenti Donald Tramp ölkənin informasiya və rabitə infrastrukturunu xarici təhdidlərdən qorumaq üçün fövqəladə vəziyyət fərmanı imzalayıb. Fərmandan sonra mayın 17-dən “Huawei” milli təhlükəsizliyə təhlükə yaratdığı üçün qara siyahıya salınıb. ABŞ administrasiyası "Huawei"ni Çinin hərbi qurumları və kəşfiyyatı ilə əməkdaşlıqda və müştərilərin mümkün izlənilməsində ittiham edir. Şirkət isə iddiaların əsassız, siyasi motivli olduğunu və bazar rəqabəti prinsiplərini pozduğunu iddia edir.


Xəbərin orijinal ünvanı: https://publika.az/news/ikt/300738.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR