Türkiyənin tanınmış rok ifaçısı, yardıma ehtiyacı olan insanlara daim kömək edən Haluk Levent bu dəfə də ənənəsini pozmayıb.
Milli.Az qafqazinfo-ya istinadən xəbər verir ki, musiqiçi Türkiyədə xəstəxanada müalicə olunan Arda və Semih adlı yeniyetmələri ziyarət edib, onlar üçün mahnı ifa edib. Həmin anın görüntülərini şəxsi tvitter hesabında paylaşan rokçu : "Söz vermişdim. Bir az əvvəl Semih və Arda ilə Yeni ili qeyd etdik. Onların vəziyyətində olan bütün uşaqlarımızın Yeni ilini təbrik edirəm"-yazıb.
Xatırladaq ki, Haluk Levent xərçəng xəstəliyindən əziyyət çəkən 22 yaşlı azərbaycanlı Sura Nadirovaya yardım məqsədilə ötən ilin dekabrda Bakıda konsert verib.
Milli.Az
