ABŞ-ın maliyyə naziri Stiven Mnuçin Ümumdünya İqtisadi Forumda Birləşmiş Ştatların nümayəndə heyətinə başçılıq edəcək.
"Report" TASS-a istinadən xəbər verir ki, bu barədə Ağ Evin mətbuat xidmətinin bəyanatında deyilir.
Məlumata görə, forum yanvarın 21-dən 24-dək keçiriləcək.
Birləşmiş Ştatların nümayəndə heyətinin tərkibinə həmçinin ticarət naziri Uilbur Ross, ABŞ-ın ticarət danışıqlarındakı nümayəndəsi Robert Laythayzer, prezidentin böyük müşaviri Cared Kuşner daxildir.
Tramp ötən il də Ümumdünya İqtisadi Forumunda iştirakını ləğv etməyə məcbur olub. Buna səbəb ABŞ-dakı büdcə böhranı olub. Böhran nəticəsində federal hokümətin işi qismən dayandırılmışdı.