Toy və yas mərasimləri ilə bağlı vergilər qüvvəyə mindi - 1 YANVARDAN

Toy və yas mərasimləri ilə bağlı vergilər qüvvəyə mindi - 1 YANVARDAN
09:43 3 Yanvar 2020
53 Digər
Ölkə mətbuatı
A- A+

Yanvarın 1-dən Özbəkistanda toy və yas mərasimlərinin keçirilməsinin yeni qaydaları qüvvəyə minib.

Yeni qaydalara əsasən, vətəndaşlar bir gündən artıq toy edə bilməzlər. Toy saat 18:00-da başlayıb 23:00-da qurtarmalıdır.

Qonaqların sayı maksimum 200 nəfər olmalıdır. Toyu hər iki tərəf birgə etdikdə isə bu hədd 300-ə çata bilər. Toy karvanında yalnız üç avtomobil olmasına icazə verilir. Lisenziyası olmayan maşınlardan istifadə etmək qadağandır.

Nikaha daxil olanlar toy haqqında yerli hakimiyyət orqanlarına əvvəlcədən məlumat verməlidirlər. Milli ənənələrə zidd olan şoular, toydan əvvəl və sonra keçirilən, əlavə xərc tələb edən mərasimlər də qadağan edilir. Toyda 50 və ya daha çox insan iştirak edəcəksə, məclisin keçiriləcəyi restoran, yaxud şadlıq sarayı ilə əvvəlcədən müqavilə bağlanmalıdır. Yeni qaydalara əməl etməyən toy sahibləri 2,23 milyon sum (təxminən 234 ABŞ dolları), restoran, kafe sahibləri isə 6,69 milyon sum (təxminən 704 ABŞ dolları) cərimə olunacaqlar.

Dəfn mərasimləri ilə bağlı da yeni qaydalar tətbiq ediləcək. Yas mərasimini aparmaq üçün yalnız dini idarələrin səlahiyyətli nümayəndələri dəvət edilə bilər. Bundan sonra yeddi, cümə axşamları, qırx və il kimi mərasimlərin keçirilməsinə icazə verilməyəcək. Yas mərasimi yalnız üç gün çəkəcək.

Xatırladırıq ki, ötən ilin sentyabr ayında Özbəkistan Ali Məclisinin Senatı ölkədə toy və yas mərasimlərinin keçirilməsi qaydaları haqqında Nizamnamə qəbul etmişdi və yeni qaydalar da bu sənədə uyğun olaraq tətbiq edilir.(Azərtac)


Xəbərin orijinal ünvanı: https://publika.az/news/mdb/300888.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR