“Naftalan” tankeri təmirdən sonra istismara qaytarılıb

“Naftalan” tankeri təmirdən sonra istismara qaytarılıb
12:37 3 Yanvar 2020
62 Digər
Ölkə mətbuatı
A- A+

Azərbaycan Xəzər Dəniz Gəmiçiliyi” QSC-nin (ASCO) Nəqliyyat Donanmasına məxsus “Naftalan” tankeri əsaslı təmir olunub.
“Report” bu barədə quruma istinadən xəbər verir.
Məlumata görə, “Zığ” Gəmi Təmiri və Tikintisi Zavodunda aparılan təmir çərçivəsində tankerin sualtı və suüstü hissələri, göyərtəsi tam təmizlənərək rənglənib. Baş mühərriklər təmir olunub, köməkçi mühərriklər isə yeniləri ilə əvəzlənib.
Üzən vasitənin idarəetmə sistemləri sazlanıb. Maşın şöbəsində və boru sistemlərində təmir işləri aparılıb, yeni borular quraşdırılıb, gəmidə elektrik-quraşdırma işləri yerinə yetirilib.
Bundan başqa, heyətin yaşayış otaqları, sanitar qovşaqlar və yeməkxanalar yenilənib.
Qeyd edək ki, təmirdən sonra tanker dəniz sınağından uğurla keçib və istismara qaytarılıb.
Xatırladaq ki, “Naftalan” gəmisinin uzunluğu 125,06 metr, eni 16,63 metr, tam yükgötürmə qabiliyyəti 4 600 tondur.


Xəbərin orijinal ünvanı: https://report.az/i-nfrastruktur/naftalan-tankeri-esasli-temir-olunub

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR