Seçici siyahılarının məlumat lövhələrində yerləşdirilməsi müddəti başa çatır

Seçici siyahılarının məlumat lövhələrində yerləşdirilməsi müddəti başa çatır
09:42 5 Yanvar 2020
37 Digər
Ölkə mətbuatı
A- A+

Azərbaycanda fevralın 9-a təyin edilmiş növbədənkənar parlament seçkilərində seçicilərin tanış olması və əlavə dəqiqləşdirmələr aparılması məqsədilə seçici siyahılarının məlumat lövhələrində yerləşdirilməsi müddəti başa çatır.

Milli.Az Trend-ə istinadən bildirir ki, Azərbaycan Respublikasında növbədənkənar parlament seçkilərinin hazırlanıb keçirilməsi üzrə əsas hərəkət və tədbirlərin Təqvim Planına əsasən, siyahılar məntəqə seçki komissiyaları tərəfindən səsvermə gününə azı 35 gün qalanadək, yəni 2020-ci il yanvarın 5-dək yerləşdirilməlidir.

Bundan əlavə, seçki bülletenlərinin mətninin, formasının, sayının və hazırlanmasına aid tələblərin təsdiq edilməsi müddəti də yanvarın 5-də başa çatır. Tələblər Mərkəzi Seçki Komissiyası tərəfindən səsvermə gününə azı 35 gün qalanadək 2020-ci il yanvarın 5-dək təsdiq edilməlidir.

Milli.Az


Xəbərin orijinal ünvanı: https://news.milli.az/elections/815400.html

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)
Загрузка...

RƏYLƏR

BU KATEQORİYADAN DİGƏR XƏBƏRLƏR