“Zenit”in tarixi qələbəsində azərbaycanlı imzası
Təlim-məşq toplanışını Qətərdə davam etdirən “Zenit” tarixi qələbəsinə imza atıb. Apasport.az saytının məlumatına görə, Sankt-Peterburq təmsilçisi yerli “Maliya” klubu ilə qarşılaşıb.
Matçda ruslar rəqibi darmadağın ediblər. Görüş 18:0 hesabı ilə “Zenit”in xeyrinə tamamlanıb.
Sanktpeterburqluların heyətində Andrey Arşavin, Denis Tkaçuk, Ramil Şeydayev dubl, Oleq Şatov, Domeniko Krişito və Salomon Rondon het-trik ediblər. Digər qolları Netu, Aleksandr Kerjakov, Halk, Ryazantsev və Timoşuk vurublar.
Qeyd edək ki, Ramil Şeydayev 1996-cı ildə Sankt-Peterburqda anadan olan Azərbaycan əsilli futbolçudur. “Zenit”in yetirməsi olan 18 yaşlı hücumçunun adı milli komandamızla hallanır.
Milli.Az