Səfirlik bir qrup hindistanlının Şəhidlər xiyabanında klip çəkdirməsini pisləyib

Səfirlik bir qrup hindistanlının Şəhidlər xiyabanında klip çəkdirməsini pisləyib
15:12 13 Yanvar 2020
49 Digər
Ölkə mətbuatı
A- A+

Hindistanın Azərbaycandakı səfirliyi bir qrup ölkə vətəndaşının Şəhidlər xiyabanında klip çəkdirməsinə münasibət bildirib. 
Səfirlikdən "Report"un sorğusuna cavab olaraq bildirilib ki, hansısa şəxslər tərəfindən nümayiş olunan bu cür davranışlar tərəfimdən pislənilir.
"Hazırda diplomatik korpus məsələnin araşdırılması üçün Azərbaycan Xarici İşlər Nazirliyi və digər adiyyəti qurumlarla birgə işləyir", - səfirlikdən vurğulanıb.
Qeyd edək ki, Azərbaycanda səfərdə olan bir qrup hindistanlı gənc musiqi sədaları altında Şəhidlər xiyabanında klip çəkdirib. Görüntülər sosial şəbəkələrdə və xəbər saytlarında yayılıb. Klipdə gənclərin qəbirlərin önündən ritmik mahnının sədaları altında qaçdıqları və rəqs etdikləri görünür. Məsələ ilə bağlı Səbail Rayon Polis İdarəsində araşdırma başlanıb.

Xəbərin orijinal ünvanı: https://report.az/xarici-siyaset/sefirlik-bir-qrup-hindistanlinin-sehidler-xiyabaninda-klip-cekdirmesini-pisleyib

Şahid olduğunuz hadisələrin video və ya fotosunu çəkərək bizə göndərin:
0552252950 (Whatsapp)

BU KATEQORİYADAN DİGƏR XƏBƏRLƏR