"Bu gün sərgilədiyimiz oyundan məmnun qaldım".
Milli.Az apasport.az-a istinadən bildirir ki, bunu Bakının "Sabah" klubunun baş məşqçisi Jelko Sopiç deyib.
Xorvatiyalı mütəxəssis Türkiyə toplanışı çərçivəsində keçirilən ikinci yoxlama oyununu dəyərləndirib. O, "Akademika Klinçeni" (Rumıniya) ilə 0:0 hesablı heç-heçədən razı qalıb: "Komandam yaxşı təsir bağışladı. Rəqibə fərqlənmək üçün çox şans vermədik. Bu, bizim istədiyimiz oyundur. Ümid edirəm ki, hər həftə öz oyunumuzu bir az daha inkişaf etdirəcəyik. Düşünürəm ki, biz doğru yoldayıq".
Milli.Az
